Zbulohet numri i fanellës së Costas te Juve

19:19 | 12 Korrik 2017
Arbresh Info

Juventusi ka zbuluar se Douglas Costa do të bartë fanellën me numër 11 gjatë kohës së tij në Torino.

Reprezentuesi brazilian finalizoi sot (e mërkurë) transferimin e tij për një sezon në formë huazimi nga Bayern Munichu dhe Juventusi konfirmoi këtë përmes një video, transmeton portali arbresh.info.

Costa mund të nënshkruaj marrëveshje të përhershme nëse “Zonja e Vjetër” shfrytëzon opsionin për blerje prej 40 milionë euro në fund të muajit qershor të vitit 2018.

Dhe misteri se cilin numër do të bartë anësori te klubi i tij i ri ka përfunduar me publikimin e një video të shkurtër të prezantimit të tij.

Derisa kamera shfaq dhomën e zhveshjes te Juventusi, fanella me numër 11 e Costas mund të shihet së bashku me ato të Gonzalo Higuainit, Paulo Dybalas dhe gjithë superyjeve tjerë të klubit.

Bashkëkombësi i tij Hernanes ka bartur këtë fanellë gjatë sezoni 2016/17, para largimit për transferim në Kinë./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm